چالاکڤانەکانی ناو کەشتییەکەی مادلین کە لە لایەن رژێمی سەهیۆنی دەستبەسەر کرابوون گواسترانەوە فڕۆکەخانەی بن گوریۆن لە خاکەکانی داگیرکراو. دەستنیشان کرا، کەشتیەکە بە زۆر لە ئاوە نێودەوڵەتییەکان دەستی بەسەردا گیراوە و گواستراوە بەندەری ئوسدود لە خاکە داگیرکراوەکان.

گروپێک چالاکڤانی خۆبەخش بۆ تێکشکاندنی گەماڕۆی سەر غەززە و گواستنەوەی هاوکاری مرۆیی بۆ غەززە بە کەشتیێک بە ناوی مادلین بەرەو غەززە بەڕێکەوتن.

کەشتییەکە لە ئاوە نێودەوڵەتییەکان تووشی هێرشی رژێمی داگیرکەر بوو و ١٢ چالاکڤان کە لە ناو کەشتییەکەدا بوون لە لایەن سوپای داگیرکەر دەستبەسەر کران و گواسترانەوە فڕۆکەخانەی نێودەوڵەتی بن گوریۆن. پێدەچێت چالاکڤانەکان دیپۆرت بکرێن.

بەناو وەزارەتی دەرەوەی رژێمی داگیرکەر راگەیاند، چالاکڤانەکان پێش لەوەی بگوازرێنەوە وڵاتەکەیان گواسترانەوە ناوەندی "دەستبەسەرکردن". هەروەها باس لەوە کرا، ئەوانەی دپۆرتبوون قبول ناکەن دەگوازرێنەوە دادگا.

رژێمی داگیرکەر بۆ ماوەی ١٨ کاتژمێر بە فڕۆکە جەنگییەکان چاودێری کەشتییەکە کرد و دواتر لە کاتەکانی بەیانی هێزەکانی تایبەتی داگیرکەر هەڵکوتانە سەر کەشتییەکە و بەزۆر کۆنترۆلی کەشتیەکەیان بەدەست گرت. کەشتیەکە گواسترایەوە بەندەری ئوسدود لە خاکەکانی داگیرکراو.

ناوەندی یاسای عەدالە کە بنکەکەی لە خاکەکانی داگیرکراوە رایگەیاندووە کە کەشتییەکە هێشتا لە دەریای کراوەدابوو و هێزەکانی داگیرکەر بە زۆر ڕایانکێشاوە بۆ ئوسدود. پەیوەندییەکان لەگەڵ ئەو چالاکڤانانە پچڕاوە و ڕێگە نەدراوە هیچ ئامێرێکی پەیوەندیکردن بچێتە ناو ئەو شوێنانەی کە تێیدا دەستبەسەر کراون.

دەیوید مینسەر بەناو وتەبێژی حکومەتی داگیرکەر ئیدیعای کرد کە رووداوەکە "بەبێ هیچ کێشەیەک" رووی داوە و چالاکڤانەکان بە زووترین کات دەگەڕێنەوە ناو خێزانەکانیان. بەڵام گرووپەکانی مافی مرۆڤ داوای لێپرسینەوەی یاسایی و دیپلۆماسییان لەگەڵ داگیرکردنی کەشتیی مادلین کردووە و بە هێرشێک لە دژی یاسا نێودەوڵەتییەکان وەسفیان کردووە.

مادلین کەشتییەک بوو لەناو فلۆتیلای ئازادیدا کە پلانی بۆ دانرابوو بگاتە غەززە. کەشتییەکە خۆراک و پێداویستی پزیشکی و بەرهەمە سەرەتاییەکانی ژیانی و هەروەها کارمەندانی تەندروستی خۆبەخش و بەرگریکارانی مافی مرۆڤی هەڵگرتبوو.(İLKHA)